God start på Gothia Cup

Os er sikra plass i A-sluttspelet etter at dei i formiddag tok sin andre sigeri gruppespelet.

I første kamp, som gjekk mot tyske VFL Westercelle, fekk Os ein mann utvist halvvegs i førsteomgang (tidspunktet på nett er feil). Tom Gabriel Rondestveit kjefta på dommaren etter eit frispark, og dommaren hadde kort lunte.

Rett etterpå hamna Os under 0-1.

– Vi var klart best og vi klarte oss også bra med éin mann mindre, seier trenar Odd Jarle Hjelle.

Kampane går over 2 x 30 minutt.

Etter pause, med éin mann mindre, byrja Os å skåra.

Utlikninga kom ved Torgeir Lunde mens Øystein Takle Eide gav Os leiinga få minutt seinare.

Fabian Bødtker auka til 3-1 og Os vann første innleiande kamp. (Det står feile målskårarar på nett då Os spelte med kvite bortedrakter med andre draktnummer enn dei opprinnelege gule).

Vann 2-0 i dag

Tysdag formiddag gjekk andre gruppekamp. Svenske Assyriska BK tapte 0-3 for brasilianske Space/Ordin i går, i dag sto det 0-0 fram til 17 minutt var spelt.

Eit innlegg av Knut Spangelo Haga førte til sjølvmål og Os gjekk opp i 1-0. Eit innlegg av Eric Skorpen rett før slutt enda med at keeper gav retur, ein retur Øysten Takle Eide sette inn til sluttresultatet, 2-0.

– Vi er nøgd med starten og med opphaldet så langt. Vêret er fint, men ikkje for varmt til å spela, 20-22 gradar er nett passeleg når du er på cup, seier Hjelle.

Tidlegare i dag tapte brasilianarane for tyskarane som Os slo i går. Kampen enda 0-1.

Os, som uansett er vidare til A-sluttspel, speler mot laget frå Brasil klokka 14.20 i morgon.

Kampen blir filma og sendt live på Gothia Cup sine heimesider.