Gull på storskjerm

For ein månad siden blei det kjend at Leif Idar Røen blei dagleg leiar på Kuventræ då Os Turn Handball og Os Turn Fotball slo seg saman om å engasjera han i ei 50%-stilling.

1. desember tok han fatt på jobben. Noko av det fyrste han greip fatt i var å oppgradera klubbhuset slik at det kan bli ein samlingsplass for medlemmane og eit møte-/seminarlokale.

- Hovudstyret hadde satt av eindel midlar til oppgraderinga, men hadde ikkje fått gjennomført desse. Difor blei vi einige om å starte med å oppgradera storsalen med nytt AV-utstyr slik at vi mellomanna kan samlast for å sjå kampar på storskjerm, fortel den nytilsette daglege leiaren.

Miljøskapande

Sundag hadde handballgruppa samla eit 20-tals spelarar frå guttar 11, via jenter 14 til herrelaget for å sjå på VM-finalen mellom Noreg og Frankrike saman.

- Det er viktig å byggje eit miljø på tvers av laga. Eg trur slike anledningar er ei god måte å gjera det på.

- No blei det litt kort varsel på dette arrangementet, vi bestemte oss ikkje før i går kveld, men no har vi testa det og kan love at det kjem nye sjansar til høg stemning i klubbhuset også seinare, avsluttar Leif Idar Røen.

Vann tippekonkurranse

Og stor stemning blei det. Etterkvart som dei norske jentene fossa frå Frankrike sto jublene i taket.

Ei ekstra spenning av kven av Osingane som ville vinne konkurransa om å tippe rett resultat. Sjølv om dei speler handball sjølv var det ikkje enkelt å spå korleis det ville gå i Brasil. Etter finrekning viste det seg at den daglege leiaren kan meir enn å oppgradere klubbhuset. Røen tippa nemleg at Noreg skulle vinne med åtte mål.

Ps. Noreg vann 32-24 :-)