– Heile lokalet er leigd ut

I mars blei post-tenesta i Os sentrum flytta frå eigen posthandel i Bjørnegården i Brugata til Post-i-butikk hos Rimi i Telthuskvartalet.

I august blir det drift i det tidlegare postlokalet igjen.

– Vi har ny leigetakar på plass. Dei har leigd heile etasjen, både der Posten var og det som sto ledig frå før, seier André Angelskår frå selskapet som eig Bjørnegården, Joa Gruppen.

– Helserelatert

Lokalet er på cirka 500 kvadratmeter. Kven ny leigetakar er vil Angelskår ikkje ut med.

– Bransjen er helserelatert, det er alt eg kan seia.

Før helga blei det kjent at Osbygda får sitt tredje treningssenter når Energi-kjeden i september opnar i Irisgården.

Om vi med etableringa i Brugata får det fjerde treningssenteret i Os er med andre ord førebels uvisst.