Høg innsats på påsketrening

Bildeserie:

1 av 13

For å gje eit tilbod til ungar som skulle vera heime i starten av påsken, og for å tena nokre kroner til ein treningsleir i sommar, har spelarane på A-laget til Os nytta dei to første dagane av påskeveka til å læra bort triks og fintar til dei yngre årgangane.

– Det har vore ein heilt upåklageleg innsats av ungane, smiler «rektor» Endre Brenne.

– Vi fann ut at vi ville laga denne påskeskulen både for at det er i tråd med klubben sin filosofi om å skapa aktivitet i skuleferiane, og fordi vi planlegg ei treningssamling for a-laget i sommarferien. Då treng spelarane jobba seg opp litt dugnadstid og -pengar, slik at vi får råd til den, forklarer Brenne.

Turnering og påskekos

Saman med fleire av dei andre a-spelarane var han tysdag i full sving med å instruera 70 ungar frå alle krinsane på Kuventræ. Med har det vore spelarar både frå Os, Nore Neset og Søfteland.

– Vi har halde på fra ni til tre kvar av dei to dagane.

– I dag avsluttar vi treningsleiren med turnering, men før det skal vi sjå om ikkje vi kan få til litt påskekos.

– Stian Kvåle står i klubbhuset og lager til pølsefest og anna snop som vi skal ha til lunsj, avsluttar Brenne i det han set ei ny gruppe spelarar i sving.