UP i sivil tok fleire førarkort

Torsdag i 13-tida hadde politiet i Os trafikkontroll ved vekta på E39 Halhjemsvegen.

– Det blei skrive ut to gebyr til førarar som ikkje hadde lappen med seg, fortel politioverbetjent Audun Hadler-Olsen.

På Ulvensletta stoppa dei ein i 20-åra som kjørte utan skilt.

Han hadde vore hos vegvesenet og levert skilta inn, og kjørte bilen heim. Eller rettare sagt, nesten heim.

To førarkortbeslag og ein trimma moped

Fredag morgon var UP på patrulje på Hatvikvegen og i Hegglandsdalsvegen med sivil bil.

– Ein mann i 40-åra blei målt med snittfart på 79 km/t i 50-sona, ein 19-åring blei stoppa i 82 km/t, fortel politibetjent Trude Lande.

Dei to kan truleg venta seg 4 og 6 månadar beslag og 8000 kroner kvar å betala til statskassen.

I tillegg blei ein mann i 30-åra 4200 kroner fattigare då han blei målt i 70 km/t i 50-sona på Hatvikvegen.

– Eg stoppa også ein moped som heldt ein snittfart på 65 km/t på Hegglandsdalsvegen. Han må ut med 5650 kroner for høg fart og trimming av moped.