– Ikkje øydelegg for dykk sjølv

Forbodet mot å køyra med vannscooter blei etter lang tids kamp frå miljøet letta på i fjor sommar.

– Vi får fleire meldingar om uvettig køyring med vannscooter. Fleire av dei for nære land i for høg fart.

– Sålangt har vi ikkje vore ute på desse meldingane, men held det fram blir vi nøydd til å ta tak i det, seier lensmann Oddbjørn Dyrdal.

– Grip sjansen

Lensmannen har ei klar oppfordring til førarane av vannscooterane.

– No har de fått moglegheiten til å køyra etter at det nye regelverket kom.

– Då må de ikkje øydelegge for dykk sjølv med å køyra hasard nære land og inne i hamner.

– Køyr aktsomt og på ein skikkeleg måte, så risikerer de ikkje at regelverket blir endra igjen.