Inga grunn til eldrefrykt

I følgje VG si framstilling av SSB-tal vil Os bli av dei dagens kommunar som vil å ha lågast andel av innbyggjarar over 70 år i 2040.

– Generelt blir befolkninga eldre og eldre, men det er store regionale forskjeller. I Oslo venter vi at berre 12 prosent av befolkninga vil vera 70 år eller meir i år 2040, medan det kan bli fleir enn 30% eldre i einskilde utkantkommunar, seier forskar Stefan Leknes i SSB til avisa.

Auker nest mest i Hordaland

I følgje tala vil vi i 2040 ha passert 30 000 innbyggjarar i den noverande Os kommune. Frå 19 742 i 2015 til 30 061 i 2040, ei auke på 52,3%. Det er berre Meland som veks meir enn Os i perioden, frå 7 812 til 12 249 (56,8%).

Felles for dei to kommunane er at dei begge er front-kommunar for Bergen, og begge vil ha ei eldrebefolkning som utgjer 13% av innbyggjartalet.

Til samanlikning vil 16% av innbyggerane i Bergen vera over 70 år, 20% på Fusa og 22% på Tysnes i følgje berekningane frå SSB.