Jon sin tur

I haust skreiv vi om den ferske standupkomikaren Jon Hægland frå Os, som var nominerttil prisen for beste nykomar under Humorfestivalen i Stavanger i oktober.

Sidan har Jon, med unntak av eit stunt under det førre kommunestyret sin avslutningsmiddag i Oseana, vore lite på scenen.

– Eg skulle til Ålesund, men dei sleit ei stund med sterk vind der oppe, så det blei utsett. Elles så har jobba med noko hemmeleg, og litt spennande, seier Jon.

Midtsiden skal snart få lov til å fortelja om det førebels hemmelege prosjektet, men først kan vi opplysa om at Jon snart er å sjå på scenen igjen.

– Eg står på plakaten begge dei komande klubbkveldane på Ricks, saman med eit par andre artistar som absolutt er verdt å få med seg.

Førstkomande onsdag og førstkomande fredag kan du oppleva desse på Standup Bergen sine klubbkveldar:

• Grim Moberg - konferansier

• Trine Lise Olsen - vann programmet "den norske humor"

• Olav Svarstad Haugland (ja, han er sonen til ho du trur) - regjerande studentmester i standup

• Headliner for kvelden: Dex Carrington - kjent frå MTV og VG TV-serien "Dexpedition"

I tillegg står Jon Hægland på plakaten. Standup Bergen skriv dette om Jon:

"Jon Hægland er en kverulerende hipster fra Os Rock City. Han har en helt egens til som vi har lagt vår elsk på og som vi har stor tro på at vil blomstre. Han manøvrerer seg gjennom tabuer med sin sarkastiske og smarte humor, og DET kan vi ikke si om alle norske komikere."