Julelaksen på plass

Osøyro er fyld med julestemning, musikk og julegåver under julefestivalen Os sentrum og kultureininga i Os kommune arrangerer denne helga.

På vår vandring blant julekranser og julegåver laurdag blei vi brått var over eit stasleg besøk i Baronselva.

Heilt inntil trappene mot Telthusplassen sto ein stor laks og stanga på grunna.

Den sto så stille at både Midtsiden og utstillarane som fekk med seg vitjinga lurte på om det var liv i den, men då den blei prika borti med ein pinne, fann den etterkvart ut at det var tid for å komma seg vidare i jakta på julestemninga og å bli kvitt lusa som hadde gått til relativt kraftig angrep på den.

Det er truleg den høge vannstanden dei siste dagane som gjorde at laksen, som blei anslått til å vera eit par-tre kilo hadde funne vegen opp Baronselva.

Midtsiden kjem tilbake med meir frå julefestivalen.