Kasta hammar i hovudet på politibetjent

Onsdag klokka 22.12 fekk politiet melding om ein mann som hylte og skreik og knuste vindauge i ein bygning i Mobergslia.

– Han var svært aggressiv og trugande då patruljen kom til staden, og truga blant anna med ein hammar, fortel politioverbetjent Audun Hadler-Olsen.

Politiet trekte seg litt unna, men gjekk så til aksjon med pepperspray.

– Vedkomande kasta då hammaren og trefte den eine politibetjenten i hovudet.

Politiet fekk kontroll på vedkomande og tok han med via legevakt til arresten i Bergen.

Sjikanerande framferd heile vegen til Bergen

I tillegg til angrepet på politibetjenten blir mannen meldt for måten han oppførte seg på legevakta og i transporten på veg til by'n.

Politibetjenten som fekk hammaren i hovudet var òg på legevakt og til Haukeland for sjekk, men er lettare skadd.

– Vi ser naturlegvis svært alvorleg på denne saka, seier Hadler-Olsen.

Sikta er norsk og er fleire gongar tidlegare domfelt for vald mot politiet.