Kom deg ut!

Over heile Noreg arrangerer Turistforeninga den store «Kom Deg Ut»-dagen sundag 4. september.

På Os er det Barnas Turlag som står bak arrangementet som er ein krabbetur til Kobbervågen.

- Vi parkerer langs Røttingavegen ved ungdomshuset klokka 11.00 og går der ifrå, fortel Kenneth Herskedal i ei melding til Midtsiden.no

Han ber folk ta med seg redningsvestar, pølser og godt humør.

- Vi fyrer opp grillane og har med krabbefiskeutstyr.

- Ei lita gåve til ungane ventar også, fortel Herskedal.

Turen er open for alle som vil koma seg ut og få litt frisk sjøluft i lungane. Det finnest ikkje dårleg vêr, berre dårlege klede.