Kor gamle er osingane og kva land kjem dei frå?

Bildeserie:

1 av 5

Os passerte 20.000 innbyggarar i løpet av 3. kvartal 2016, i januar blei innbyggar nummer 20.000, Thomas «Tomtom» Haugland, gjort stas på.

I dag kom statistikken for folketalet i Noreg per 1. januar 2017 publisert på SSB.no.

Noreg har no 5.258.000 innbyggarar.

Os vaks nest mest

I Os kommune har folketalet auka frå 19.742 til 20.152 frå inngangen på 2016 til 1. januar 2017.

Det tilsvarar ei folkevekst på 2,1 prosent, berre Meland med 2,7 prosen vaks meir (frå 7.812 til 8.021 innbyggarar).

Fire kommunar hadde nedgang i folketalet i fjor; Kvinnherad, Ullensvang, Eidfjord og Kvam.

Bergen (519.963), Askøy (28.821) og Fjell (25.204) er einaste kommunar i Hordaland med større folketal enn Os. På dei neste plassane kjem Stord (18.821), Lindås (15.731) og Voss (14.514).

• Sjå fleire tal i skjema og grafikk i bildeserien over!

Fusa har 3.895 innbyggarar, Tysnes har 2.847, Samnanger 2.488 og Austevoll 5.156.

40 % fleire eldre på 10 år

Dei siste 5 åra har folketalet i aldersgruppa 67 til 79 år auka med 25,9 %. Dei siste 10 åra har denne aldersgruppa auka med 39,2 %.

Til samanlikning har aldersgruppa 20-44 år auka med 4,1 og 11,1 på 5 og 10 år.

• Les òg: Stor auke i eldre innbyggarar i Os

Dobla tal på utlendingar

Talet på utanlandske statsborgarar i Noreg vaks med 21.000 i 2016 til 559.000 busette 1. januar.

I takt med den sterke folkeveksta dei siste ti åra har talet på utanlandske statsborgarar meir enn dobla seg frå 2008, skriv SSB.

Blant dei med utanlandsk statsborgarskap var det talet på syriske statsborgarar som vaks mest i 2016, frå 7.600 1. januar 2016 til 18.900 per 1. januar 2017.

Det er framleis polakkane som er det største gruppa utanlandske statsborgarar her i landet, med 102.000.

Innbyggarane i Os - nasjon for nasjon

Ved inngangen på 2016 hadde Os kommune 19.742 innbyggarar.

Av desse var det 17.761 norske.

Dei rundt 2000 utlendingane i Os kjem frå desse landa:

EUROPA
Danmark 60
Island 45
Sverige 47
Bosnia 22
Bulgaria 92
Estland 31
Frankrike 4
Irland 3
Italia 6
Kroatia 3
Latvia 103
Litauen 362
Nederland 16
Polen 530
Portugal 10
Romania 71
Russland 28
Serbia 7
Slovakia 11
Spania 15
Storbritannia 48
Sveits 3
Tjekkia 20
Tyrkia 13
Tyskland 84
Ukraina 26
Ungarn 14
Østerrike 3

AFRIKA
Eritrea 14
Namibia 3
Nigeria 3
Sudan 8
Sør-Afrika 3
Tanzania 3

ASIA
Afghanistan 14
Filippinene 40
Irak 4
Iran 5
Kasakhstan 3
Kina 3
Kuwait 3
Syria 26
Thailand 62
Vietnam 13

AMERIKA
Den dominikanske republikk 7
Mexico 3
USA 36
Brasil 14
Chile 5
Colombia 3
Peru 4

AUSTRALIA/ANDRE
Australia 4
Statlause 3