Kreativ bading i Lysefjorden

På sykkel i høg fart og utfor ein kai – det starta med sparkesykkel i fjor og blei oppjustert i fart i år.

– Det var Sindre sin idé, seier Mattias Wold om kameraten Sindre Solemdal.

Av ein venegjeng på ni var det seks som sette seg på sykkelen og tråkka utfor hoppet og rett i Lysefjorden.

– Det var veldig gøy! Vi kjørte på og hoppa berre lengre og lengre. Sindre blei til slutt den som hoppa lengst, han fauk 8-10 meter ut før han landa i sjøen.

Kameratane festa redningsvestar og 6-7 tomflasker på syklane så dei skulle halda seg flytande.

Dei fanga også det meste på film.

VIDEO: Sjå badeleiken i Lysefjorden, frå ein kai i Nordvik, filma med GoPro-kamera. På filmen: Mattias Wold, Sindre Solemdal, Thorbjørn Hansen, Alexander Balland, Aleksander Skåtøy, Andreas Olsen, Eivind Olsen, Daniel Moberg og Sandra Bjørkelund. (Privat foto)