Kvinne påkjørt

Tysdag litt før klokka 19 blei ei kvinne i 60-åra påkjørt mellom Elvebakken og Kuven stasjon på Byvegen.

Ifølgje eit vitne blei kvinna påkjørt i fotgjengarfeltet ved den nye Rema 1000-butikken.

– Ho var bevisst, men blødde frå hovudet, seier eit vitne som var blant dei første som kom til staden.

Brannvesen, ambulanse og politi rykte ut. Kvinna blei henta med luftambulanse.

Haukeland universitetssykehus opplyser onsdag formiddag at tilstanden til kvinna er alvorleg.

Bilen som kjørte på kvinna skal ha kome i retning Bergen.

Bilføraren er ei kvinne i 40-åra. Politiet har tatt beslag i førarkortet hennar.

Trafikken sto i begge retningar i cirka ein halvtime etter ulykka.