Langedalen blir stengt ved nr 44 frå tysdag 12. september. (Kartios.no)

Langedalen blir stengt i ein månad

To dagar etter Langedalen Opp startar arbeidet på den kommunale vegen som to gongar på to veker har vore viktig omkøyringsveg.

Av: Kjetil Vasby Bruarøy

Den kommunale vegen Langedalen, mellom Søfteland og Åsen, blir stengt frå tysdag 12. september og ein månad fram.

Søndag 10. september er det tid for mosjons- og motbakkeløpet Langedalen Opp, men mjuke trafikantar skal også etter stenginga koma seg forbi anleggsområdet.

– Vegen blir stengt ved husnummer 44. Det blir skilta på staden, opplyser Os kommune.

Opnar for utrykking

Årsaka til stenginga er utbetringar på vegen. Ved dårleg vêr kan arbeidet bli utsett.

Vegen kan bli opna for utrykkingskøyretøy. Desse kan kontakta anleggsleiar på staden, Botnevik, på 95113187.

«Hovudveg» mellom Bergen og Os

Langedalen var smal, men viktig omkøyringsveg både torsdag for ei veke sidan, og tysdag veka før, begge gongane etter trafikkulykker på E39 på Søfteland.

Midtsiden ber trafikantar køyra ekstra varsamt i vekene som kjem.