Lokal | 16. aug. 2016

– Må 8-åringen henge her i 2 timer?

Elevar på Kuventræ får ikkje lenger like tilpassa skuleskyss som før. Foreldre frykter at unge elevar må henge på Os i éin til to timar.

– Må 8-åringen henge her i 2 timer?
Føresette frykter at elevar ved Kuventræ skule må vente inntil to timer i Os sentrum for å bytte buss heim frå skulen (foto: Andris Hamre)
Andris Hamretirsdag 16. aug. 2016 12:20

I byrjinga av mai mottok føresette som bur "Aust om elvo" og som har barn på Kuventræ barneskule dette vedtaket frå Os kommune:

«Elevar som har skuleskyss ved Kuventræ barneskule og som bur "Aust om elvo" har ein periode hatt tilpassa skyss til og frå skulen.

Vedtak:
Frå skuleåret 2016/2017 går Os kommune sitt tilbod til desse elevane tilbake til det skysstilbodet og den skyssretten som gjeld alle elvar i grunnskulen. Elevar, som har rett på skyss, vil få busskort og må nytte rutebuss. Det betyr at dei må gå av og på bussen ved "Rema" i krysset byvegen/Idrettsvegen eller ved "Os vg. skule i Industrivegen".»

Reglene seier at elevar i 2. - 10. trinnet som bur meir enn fire kilometer frå skulen har rett på gratis skyss, for elevar i 1. klasse er denne grensa to kilometer. Elevar med særleg farleg skuleveg har rett til gratis skyss utan omsyn til avstand mellom skule og heim.

Reagerer

Hilde Storaker er ei av dei som har motteke brevet frå kommunen.

– Vi som har barn "aust om elvo", som går på Kuventræ skule, har no mista mini-bussen som har køyrd dei til og frå skulen. No må dei dei ta vanleg rutebuss.

– For oss som bur i Nordmarka må elevane no gå ut i Hegglandsdalsvegen, ta buss til Os og bytte der. Når dei skal heim, må dei vente i éin til to timer kvar dag i Os sentrum, før ei kan ta Solbjørg-bussen vidare.

– Det er heilt uaktuelt at mi datter på åtte år skal henge på Os etter skulen på grunn av bussen, fortalde Storaker til Midtsiden tysdag morgon.

Skal få skyssen dei treng

Knut Vidar Garlid, rådgjevar skule i Os kommune fortel dei har registert reaksjonane som har kome på brevet.

– Dei som har rett på skuleskyss, skal få den skyssen dei trenger. Men det blir litt endringar på den ordninga dei har hatt tidlegare. Skuleskyss er eit forhold mellom skulen og eleven, kor vi er inne og hjelper til.

– Vi kjem til å gjera tilpassingar, mellomanna på onsdagane, då elevane ved Kuventræ skule sluttar tidlegare. Dette sender vi ut ein epost til foreldra om i dag, fortel Garlid.

Det tyder i praksis at dei på onsdager vil få minibuss frå skulen og heim, medan dei andre dagane vil ein freiste å nytta det ordinære rutetilbodet.

Håper på ei smidigare løysing

– Storaker fortel til Midtsiden at hennar dotter må vente mellom ein og to timer på Os for å koma seg vidare med bussen. Er ei slik ventetid innan dei krava som ligg i reglane for skuleskyss?

– Det er ikkje glassklare reglar for kva som er akseptabel ventetid. I følgje Skyss sine sider, som er dei som har det overordna ansvaret for skuleskyss er det vel sagt noko om at 45 minutt er akseptabel.

– Vi håper å få til ein smidigare løysing enn det og har hatt kontakt med Kuventræ allereie.

– Ta det med skulen

Garlid håper det det vil ordna seg.

– Alle skal komma seg trygt på skulen. Om føresete ikkje er nøgde når ordninga kjem i gang ber eg dei ta det direkte med skulen, slik at ein i samråd kan finna løysinger som er akseptable.

– Ein kan søkje om å få godkjend farleg skuleveg. Dette blir då vurdert i kvart einskilt tilfelle og frå elev til elev, seier Garlid.

Totalt er det 12-13 elevar som av ulike årsaker går på Kuventræ barneskule i staden for Os barneskule som er deira nærskule.

Vil vera ei utfordring

Når Midtsiden er i kontakt med Storaker tysdag ettermiddag fortel ho at dei no har fått e-posten frå skulen.

– Dei får minibuss heim frå skulen, men kun om onsdagane, då dei er ferdige klokka 12.20.

– Borna våre må komma seg frå skulen til Os, og det klaffer nokre dagar ikkje med by-bussen. Mi dotter er 8 år, og det vil vera ei utfordring for ho å skifte til rett buss både om morgonen og etter skulen.

– Veien frå Nordmarka til Hegglandsdalsvegen er smal og uoversiktleg, og ho må gå omlag 1,5 km til busstoppet, legg Storaker til.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.