Kommunen må tidleg ta ei aktiv rolle i korleis nærsenter som Øyane (bildet) og Søfteland skal takla folkeveksta som er venta, meiner Os Venstre. (Ill. foto/akriv: Kjetil Vasby Bruarøy)

Må unngå det som skjedde med Osøyro

Lesarinnlegg: Nærsenter – korleis få til ei planmessig utvikling av heile Os kommune?

Av: Kjetil Vasby Bruarøy

Det er ikkje slik enkelte ansvarlege politikkarar i kommunen hevdar - næringslivet veit best sjølv og markedet aleine vil styra utviklinga i rett retning.

Kommuneplanens samfunnsdel 2015-2027 som vart godkjent av kommunestyret 29.9.2015 gjev overordna føringar for korleis utviklinga i kommunen skal skje i denne perioden. Mellom anna er den rettesnora for arealplanen som skal rullerast i 2017.

Kommuneplanen skal setje mål for Os si fysiske, sosiale og kulturelle utvikling. Som eit bakteppe for, og førande for desse måla, er folkevekst, etikk og samfunnsansvar, berekraftig utvikling og folkehelse lagt til grunn.

Planen skildrar utfordringar og målsetnadar innan alle område som er viktig for at Os skal bli en god stad å bu for nye og gamle osingar. Utvikling av tettstaden Osøyro (Liv på Øyro) har fått eit eige avsnitt i planen med konkrete mål for kva ein vil oppnå.

Dette er bra, men i planen er det også peikt på kva som er og skal vera «nærsenter» i kommunen, utan at det er sagt noko meir om korleis ein ser for seg at desse nærsentra skal utviklast.

I planen er eit nærsenter skildra som: «Mindre senter med detaljhandel som daglegvarer, post, private og offentlege helse og velvære tjenester etc. dimensjonert for nærmiljøet»

Søre Øyane, Søre Neset, Nore Neset, Lysekloster og Søfteland er ifølgje planen dei noverande nærsentera. Med den store folkeveksten det vert lagt opp til, seier det seg sjølv at alle desse bygdene vil oppleva store endringar dei komande åra.

Os Venstre meinar at det er viktig å vera i forkant av utviklinga.

Det må setjast opp målsetnadar og lagast konkrete planar for korleis nærsentera skal kunna utvikla seg. Ein må unngå det som skjedde på Osøyro. Kommunen må tidleg ta ei aktiv rolle i å leggja føringar og leggja til rette. Utviklinga må skje i eit samarbeid mellom kommune, frivillige organisasjonar, næringsliv og lokalbefolkninga. Det er ikkje slik enkelte ansvarlege politikarar i kommunen hevdar - næringslivet veit best sjølv og markedet aleine vil styra utviklinga i rett retning.

Os Venstre vil i samband med budsjetthandsaminga fremja forslag om utarbeiding av ein plan for utvikling av nærsentera i kommunen og setja av midlar til dette arbeidet.

Sveinung Stensletten
Leiar i Os Venstre

Fleire saker

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.

bilde-midtsiden

Finvêret held fram

20. juli 2017

I kveld skal det bli 27 gradar. Dei neste seks dagane ser heller ikkje så verst ut.

bilde-midtsiden

Yrande liv

19. juli 2017

Det tok ikkje lang tid før folk strømma ut og til stranda. Del din sommar på Instagram: #mellomfjordarogfjell

bilde-midtsiden

Notabene blir ARK

19. juli 2017

Frå torsdag finn du ikkje lenger Notabene på AMFI Os. Bokhandlarkjeda ARK har nemleg kjøpt butikken på Os, som ein av 24 i landet.