Mann sikta for valdtekt av to søstre

Søndag formiddag blei ein mann i 30-åra pågripen av politiet, mistenkt for valdtekt av to kvinner frå Os.

Valdtektene skal ha skjedd på ei adresse i Os. Sikta er frå eit anna fylke og var gjest hos ein av dei to fornærma søstrene.

– Han blei pågripen på staden. Det skjedde utan dramatikk, seier politioverbetjent Audun Hadler-Olsen.

Hadler-Olsen vil ikkje seia om fornærma framleis var på staden då sikta blei pågripen. Han vil heller ikkje fortelja om dei blei utsett for vald.

Kan bli varetektsfengsla

Mannen er sikta for to valdtekter og for å ha prøvd å påverka vitne.

Politiet vil ha mannen varetektsfengsla, men Nordhordland tingrett ville sleppa han laus med besøksforbod.

– Aktor anka. Anken får oppsetjande verknad, så sikta blir sitjande fengsla til lagmannsretten har behandla anken.Eg reknar med at det skjer i dag eller i morgon, seier Hadler-Olsen.