Menn kneip jenter i rumpa

Onsdag rundt klokka 20.10 sto to jenter i 13-14-årsalderen på busshaldeplassen ved rundkjøringa mellom Byvegen og Industrivegen.

Så kom tre utanlandske menn på rundt 20-30 år.

– Jentene fortel at dei tre blei svært nærgåande, at dei hadde knipe dei i rumpa og kyssa dei på halsen, fortel politioverbetjent Audun Hadler-Olsen.

Politiet blei kontakta i 20.50-tida. Då hadde dei to jentene tatt buss til Nesttun.

– Det er uvisst kven desse tre mennene er. Vi har vore i kontakt med foreldra til jentene og vil undersøka saka vidare. Dette har vore ei veldig ubehageleg oppleving for dei to.