Moldskred må stå over cupfinalen

I morgon speler Kongsvinger cupfinale mot Rosenborg (kampstart kl 13.15).

Toppskåraren frå opprykkssesongen i fjor, osingen Mats Cato Moldskred, har vore skadd i haust, men hadde ei stund håp om å bli med i troppen.

– Dessverre går det ikkje. Eg var med på øvingane på treningsleiren i Berlin denne veka, men ikkje for full maskin.

– Eg er framleis ikkje bra igjen og smertene er for store til at eg kan spela i morgon.

Får medalje likevel

KIL har halta seg vidare i NM og vunne rundane med eitt mål. Moldskred rakk å putta 11 i OBOS-ligaen før han blei skadd, men har ikkje skåra i NM-rundane.

Han har likevel spelt nok til at han kan bli noregsmeister i morgon.

– Korleis blir cupfinalehelga for deg?

– I går møtte eg nokre venar frå Os, i kveld er eg med laget på spelarhotellet og køyrer same opplegg som dei andre.

– Etter finalen blir det bankett med Rosenborg og NFF, så skal vi heim til Kongsvinger på fest.

Sjå musikkvideoen Mats Cato og lagkameratane har laga til cupfinalen, der Moldskred er vokalist.