Musikal-parade frå Kongshaug

Vårens storsatsing frå Kongshaug Musikkgymnas si side, er ein musikal-kveld i Oseana, laurdag 16.april.

– Då vert det utdrag frå ulike kjende musikalar, som «Sound of music», «West side story», «Mamma Mia», «We will rock you» og «Les Miserable». Alle elevane er i sving, med korsang, solist- og gruppeinnslag- både vokalt og instrumentalt, heiter det i ei pressemelding frå musikkgymnaset.

Viser ulike talent

Det er 100 elever engasjert i oppsetninga, fordelt på små og store ensemble, og mange elevar er sangsolistar og musikarar. Skulekoret framfører songar frå «Mamma Mia» saman med ei dansegruppe.

– Det heile er ein konsertversjon, men med ein del rekvisittar og regi til dei ulike innslaga.

Håpar på godt besøk

– Vi trur dette skal bli ei fin oppleving for publikum, og vonar at bygdefolk og andre vil skunda seg å få tak i billettar! Desse kan ein få hos P.M.Sælen, på kyrkjekontoret og ved å kontakta Kongshaug Musikkgymnas.