– Naturleg å sjå på grensene

På byrjinga av 2000-talet sendte Os kommune ei formell henvending til dåverande byrådsleiar i Bergen, Anne-Grete Strøm-Erichsen (Ap) om å flytta kommunegrensa mellom Os og Bergen frå dagens grense mellom Sperrevika og Nordvik til toppen av Fanafjellet.

No tek Os-ordføraren oppatt tråden.

– Når vi først diskuterar kommunereform og eventuelle kommunesamanslåingar, så meiner eg heilt prinsippielt at det er naturleg å også sjå på dei eksisterande kommunegrensene. Det er ikkje alle stader dei går på det som er det mest naturlege.

– Nordvik har det meste av sitt nærtilbod i Lysefjorden krins med idrettsplass, butikk, kafé og pub.

– Eg trur òg at den kommunale tenesteproduksjonen innan til dømes heimetenester/-sjukepleie og vatn og avlaup vil kunne driftast meir effektivt frå Os enn frå Bergen-sida, forklarar Søviknes.

Vil ha lokal folkerøysting

Då saka var oppe sist, blei det mykje eindel oppslag i media.

– Eg fekk inntrykk den gong at det var delte meiningar i Nordvik om det å flytta over til Os.

– For at det skal bli vellukka, så må det gjennomførast ei lokal folkerøysting slik at dei som bur der får seia si meining.

Stort utbyggingsområde

På Os-sida ovanfor Sperrevika ligg ein nyleg godkjent reguleringsplan med vel 100 einebustader.

– Området vil nok bli attraktivt no når ny E-39 og Lyseparken blir utvikla.

– Når denne reguleringsplanen blir bygd, vil Nordvik i enno større grad bli knytt mot Lysefjorden.

– Vi er i dialog med ein grunneigar for å få løyst rekkjefølgjekravet om trygg skuleveg til Lysekloster skule i samband med den reguleringsplanen, fortel Søviknes.

Skule og vatn

Bergen kommune har i dag to tenester i det aktuelle området. Nordvik skule og Svartavatnet som er drikkevasskjelde for Bergen.

– Det er klart at dette er tema som det vil kunne bli diskusjonar kring om grensa flyttast.

– Dei som bur i Nordvik vil nok kjempa for å behalde skulen, men samstundes skal ein ikkje gløyma at Lysekloster skule no blir bygd ut og at ein der får eit komplett oppveksttilbod med skule, barnehage og idrettsplass, avsluttar ordføraren.