Nei, dette handla ikkje om svidd mat

Onsdag litt over klokka 14 rykte brannvesenet ut til Os sentrum.

– Det var ein automatisk varslar og heile bygget blei evakuert, fortel Gitle Smaadal frå Os brannvesen.

Årsaka til at alarmen gjekk var ikkje svidd mat i restauranten i 2. etasje, men bygningsarbeid i ein leilegheit.

– Handverkaren hadde gløymt å dekka til då han sagde stå støvet sto rett inn i varslaren.

Pipebrann i Hegglandsdalen

Tysdag var brannvesenet på utrykking i Hegglandsdalen.

– Det var pipebrann i ein bustad, men ikkje meir dramatisk enn det plar vera.

– Dei som bur i huset kunne bli buande og feiarar er i dag på staden på inspeksjon.

– Pipebrann i mai - det er noko seint på året?

– Ja, dei seier grøne vintrar er verst, då blir omnen ståande lenge ubrukt. Eg veit ikkje om det er tilfellet her, men det er nok fleire som hadde håpa på høgare temperatur no på forsommaren, seier Smaadal, som også er ansvarleg for drifta av Os hamn.