Nissen kom til Ulven

For Tore Øvreeide og Os Aeroklubb har det blitt ein tradisjon å invitere barnehagebarn og nissen til julegraut og pakker i klubbhuset på Vaksinen på Ulven.

– Vi hadde lyst til å gjera nokon glad. Så dette er fjerde året vi i Os Aeroklubb har fått nissefar til å komma til oss med helikopter, fortel Øvreeide.

Statsråden si jul

Like stor tradisjon har det vore at Terje Søviknes har stilt opp og fortalt ungane om korleis det var å feira jul då han var liten.

– Han slapp ikkje unna i år heller, sjølv om han har blitt statsråd, ler Øvreeide før Søviknes fortalde om kva pakkar som gjorde han mest glad som liten gut.

– Dei finaste pakkane eg fekk, var dei pappa lagde til meg. Eitt år fekk eg ein fantastisk hest. Ikkje ein ordentlig hest, men ein gyngehest med fine utskjeringar som pappa hadde laga.

Turbulent, men gøy

Nissefar fortaldet at det hadde vore litt rufsete å ta seg til Vaksinen torsdag, men det er han vant til der han fly får hus til hus i jula.

– Det var ganske turbulent og gjekk opp og ned og hit og dit, men det var ordentlig gøy, fortalde nissefar mellom skeiene med graut.