Montørar frå Os Elektro set i desse dagane opp sendar/mottakar for trådlaus WIFI i sentrum (foto: Andris Hamre)

No blir Osøyro trådlaus

Gjestar i Os sentrum kan om ikkje lenge surfa gratis på nettet. I desse dagar blir fem sendarar på plass. 

Av: Andris Hamre

Os sentrum skal bli trådlaus. Os Elektro er i desse dagar i ferd med å montera sendar/mottaker for oppkobling til gratis internett på rådhuset (ut mot parkeringsplassen, mot torget og mot Midtpunkt), Bjørnegården og Smiegården.

– Det blir veldig god dekning i heile sentrum, men det kan vera nokre krinkelkrokar kor signala ikkje når heilt fram. Også utover mot hamna skal få dekning, fortel næringssjef og styreleiar i Os sentrumsforening Daniel Skotheim.

Til å finna den beste løysinga innan budsjettet har Atea hjelp til med å berekna dekning og kor sendarane burde plasserast.

– Vi ønskjer jo å gje tilbodet til flest mogleg av dei som oppheld seg i sentrum.

Lagar eiga landingsside

Skotheim fortel at dei har inngått eit samarbeid med gründerverksemda Simp for levering av den tekniske når folk loggar seg på nettet.

– Det er gründerar med eit spennande prosjekt som vil hjelpe oss å ta i mot brukarane på ein god måte, slik at vi får dei inn på den startsida vi set opp. Der vil dei finna aktuelle tilbod og nyttig informasjon frå verksemdene på Osøyro.

Snart oppe og går

Det er den fysiske installasjonen Os Elektro held på med.

– I utgangspunktet skulle nettet har vore oppe og gå allereie, så eg håper det ikkje er for lang tid til vi har det på plass.

– Namnet på nettverket har vi ikkje satt enno, men eg tenkjer det må vera noko som ikkje er for komplisert og som er enkelt å forholde seg til, avsluttar Skotheim. 

Fleire saker

bilde-midtsiden

Erling H. Lunde heidra på Ulven

22. juli 2017

XU-agent Erling H. Lunde blei fredag heidra for sin innsats for under 2. verdskrig. Les den dramatiske historia då Gestapo arresterte han her.

bilde-midtsiden

Sommaraction i Mobergsvikjo

22. juli 2017

– Eg er glad vi tok med badebukse, sjølv om vi skulle til Vestlandet, seier brørne Sondre og Vegard.

bilde-midtsiden

Seier nei til flytting

21. juli 2017

Hamnesjefen • Miljødirektoratet har avslått søknaden om å flytta knoppsvanene frå Oselvo til Tysnes.

bilde-midtsiden

Fann tjuvgods etter innbrot i garasje

21. juli 2017

Politiet: • Rusa mann i bar overkropp balanserte langs E39 • Fann motorsag etter innbrot • Ber om tips om svart bil med spoiler.

bilde-midtsiden

– Heile rommet blei ommøblert

21. juli 2017

Osingane Anders Grov og Madelen Bergesen Olsen var på Kos då ferieparadiset blei råka av kraftig jordskjelv.