Nydeleg TV-debut
Sjå Aurora framføra «Awakening» og les kva ho synest om å opptre på direktesendt TV for første gong.
VIDEO: Under ser du Aurora framføra ei av låtane hennar, «Awakening». (Foto: NRK. Sjå heile opninga på NRK.no)
Den unge, nyoppdaga låtskrivaren og songaren Aurora Aksnes frå Os hadde TV-debuten sin på direktesendt opning av Hamar Kulturhus for ei veke sidan.
– Vi var supernervøse, men til slutt måtte eg berre gløyma at det var TV.
– Eg lata som om eg sto på rommet mitt og song, og det gjekk bra, seier Aurora til Midtsiden.
Eggum-klem og god pleie
Det blei ein lang dag for frøken Aksnes, som sto opp klokka 5 om morgonen for å rekka lydprøve og førebuingar i kulturhuset før opning og konsert.
– Trass reising og all ventinga var det veldig kjekt. Det var rart å sjå Jan Eggum og endå rarare å få ein klem av han, synest Aurora.
Å bli sminka og styla i ein heil time var også nytt Aurora.
– Det er ikkje heilt min stil, så eg bad dei gjera det så naturleg som mogleg.
Torsdag speler Aurora på Lille Ole Bull i Bergen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.