Opna ny utestad i Os

– Vi har bygd ein scene på 7 x 5 meter. Musikarane som var på scenen i går kom med gode tilbakemeldingar, fortel Kenneth Carlson.

Carlson jobbar i baren på utestaden XS, som i går hadde nyopning i lokalet der Bar2Be tidlegare heldt til.

På det meste var det rundt 70 på gjestar i lokalet opningskvelden.

Det er Thomas Lunder sitt selskap Norway Promotions AS som driv utestaden.

20 år begge kveldar

Carlson er frå Bergen og Lunder er frå Åsane. Begge har erfaring frå utelivsbransjen i Bergen.

– XS har løyve på øl, vin og brennevin, og har aldersgrense 20 år.

– Vi kjem til å ha ope to kveldar i veka, der vi skjenker til klokka 2 og stenger døra 2.30 natt til laurdag og natt til søndag.

Jam kvar fredag

Carlson fortel at dei to har tru på at det er plass til ein utestad til i Os.

– Vi håper XS blir eit godt alternativ til tilboda som er i Os frå før. På den nye scenen kjem vi til å ha jam kvar fredag. Nokre band kan også bli aktuelt, men vi har førebels ikkje booka noko.

– Laurdagane kjem vi til å ha musikk frå anlegget, då skal XS vera ein kjekk plass å gå for å treffa folk, ta ein prat og dansa litt.