Opnar for gangtrafikk

Borgavegen har vore stengt for all trafikk sidan september, grunna omfattande arbeid for å gjera vegen betre, tryggare og meir oversiktleg for både gåande og køyrande.

Måndag 7. desember opnar vegen for skulebarn og andre gåande. Biltrafikk i Borgavegen vil fyrst vera mogleg i slutten av januar neste år.

Vegarbeidet held altså fram ei stund til, men på ein slik måte at det er trygt å ferdast langs vegen for gåande.

– Før vi opnar for gangtrafikk, vil vi mellom anna grusa, gjera sikringsarbeid og montera veglys, fortel prosjektingeniør i Os kommune, Siril Langhelle i ei pressemelding.

Avsluttar skuleskyssen

Borgavegen er skuleveg for mange barn. Desse barna har hatt tilbod om busskyss i perioden vegen har vore heilt stengt.

Siste dag for ekstraordinær busskyss er fredag 4. desember.

Elevane vil få brev med informasjon i skulesekken i løpet av denne veka. Os kommune vil òg senda ut melding på SMS til bebuarar i området, heiter det i pressemeldinga.