Os slo Lysekloster

Os, som kom heim frå treningsleir på Kypros fredag, hadde ikkje problem med å omstilla seg frå 20 plussgradar til sludd, regn og vind.

Dagens NM-kvalik enda med siger over sambygding og seriemotstandar Lysekloster.

Os - Lysekloster 3-1 (1-0)
Målskårarar, Os: Erik Kanestrøm og Roar Vestbø 2.

Heimelaget hadde eit par innlegg frå kant og ein større sjanse før Erik Kanestrøm gav heimelaget leiinga 1-0 cirka 11 minutt ut i kampen.

Lysekloster, som stilte med dei tre tidlegare Os-spelarane Preben Borgen, Ramo Racic og Tore Valvik frå start, var på offensiven i drygt 20 minutt midt i omgangen, der dei produserte mange cornarar.

Men før pause overtok Os igjen, og var skummel framfor gjestane sitt mål.

Runda keeper to gongar

I 2. omgang var heimelaget meir framoverlent, og hadde tre veldig store sjansar før Roar Vestbø runda keeper ute ved 16-meteren og sprang ballen heilt inn i mål.

– Eg liker best å runda keeper, det er tryggast det, seier Roar etter kampen.

Også det andre målet hans blei skåra bak ryggen på keeper.

Lysekloster reduserte på corner.

Midtsiden kjem tilbake med kampfakta, kommentarar frå trenarane og video av skåringane og nokre av sjansane og duellane.