Lokal | 03. jan. 2017

Planlegg krigsfilm frå Os

André Øvredal med med planar om å filmatisera den dramatiske redningsaksjonen då eit kanadisk bombefly med seks mann måtte naudlanda på Haugland under krigen.

Planlegg krigsfilm frå Os
Dei seks kanadiarane blei gøymd på Botnahytta før dei kom seg ut av landet. No vil André Øvredal filmatisera den dramatiske historia (foto: Andris Hamre/privat)
Andris Hamretirsdag 03. jan. 2017 10:53

Regissør André Øvredal, frå Lysefjorden, er i vinden om dagen med skrekkfilmen «The Autopsy of Jane Doe», som har offisiell noregspremiere 13. januar, men som allereie i jula blei vist på Bergen Kino.

Filmen har hausta lovord og terningkast 5 både i Noreg og utlandet, mellom anna vann filmen prisen for beste grøssar på Fantastic Fest i Austin, Texas i oktober.

– Det er veldig gøy med så gode kritikkar. I eit lite land som Noreg betyr gode kritikkar eindel. Det er eit tillitsforhold mellom dei som melder filmane og kinopublikummet, kommenterar Øvredal.

Vil fortelja lokal krigshistorie

I eit større intervju med BT måndag røper Øvredal at han har eit ønskje om å krigsfilm frå Os.

– Eg har ei personleg historie frå motstandskampen under 2. verdskrig, som min bestefar og bror hans deltok i. Det var eit kanadisk bombefly med seks mann ombord som naudlanda på Os. Tyskerane starta ei storstilt jakt etter dei, men osingane klarte å gøyma dei vekk og få dei over Nordsjøen med Shetlands-Larsen. Historia er enormt spennande, og heilt soleklart eigna for ein film. Eg har hatt den i bakhouvdet lenge, seier Øvredal til BT (abo)

Les meir om den dramatiske historia her: 70 år sidan naudlandinga på Haugland

I dialog med manusforfattarar

Til Midtsiden fortel Øvredal at planane er meir konkrete enn at dei berre ligg i bakhovudet på han.

– Vi har små interne prosessar på gang. Mellomanna snakkar eg med manusforfattarar om korleis vi kan få fortalt historia og med folk som kan vera med å realisera filmen.

– Det er absolutt reelle diskusjonar. Så seint som i dag tidleg diskuterte vi det.

Eit kostbart prosjekt

Prosjektet er førebels på eit relativt tidleg stadie, men ein ting er klart. Det vil bli ein relativt kostbar produksjon.

– Det å skulle fortelje eit krigsdrama som dette blir ein dyr produksjon for å få det så autentisk som mogleg med kostymar, rekvisitta og alt som høyrer med. Men det er ei historie som, for kinopublikummet, vil vera lett å skjønne og det ligg jo allereie ein filmatisk dramatikk i historia.

Historie om kvardagsheltane

Øvredal seier at historia handlar om kvardagsheltane under krigen.

– Det er dei det handlar om og den innsatsen dei gjorde under krigen for å redda desse seks kanadiarane.

– Eg håper at vi kan få eit engasjement frå Os etterkvart, både for filmen og finansiering av den. Vi må berre få litt fotfeste på framdrifta sjølv først.

Les òg: Veteranar heidra ved Botnahytta

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.