Retta kniv mot politiet

Det var ein onsdag i mai at mannen blei stoppa av politiet mistenkt for biltjuveri og kjøring i rusa tilstand.

Mannen retta kniv mot ein av politibetjentane. Politibetjenten forklarte at tiltalte tok kniven ut av innerlomma mens to betjentar heldt han fast. Han retta kniven mot magen og politiet måtte bruka mykje krefter, og peparspray, for å få han til å sleppa kniven.

I Nordhordland tingrett var han tiltalt for både trugslar mot offentleg tenestemann, bruk av narkotika, kjøring i narkorus og kjøring utan gyldig førarkort. Blodprøve tatt etter kjøringa viste at tiltalte var rusa på ulike narkotiske stoff, blant anna amfetamin.

Han var også tiltalt for å ha gått med kniv på seg på Amfisenteret i Os nokre veker seinare, og for i sommar å ha blitt tatt med 1,4 gram amfetamin og nokre narkotiske tablettar på seg i Bergen i sommar, same dag som han blei tatt for tjuveri av klede for 3700 kroner på ein butikk i Bergen.

Tiltalte møtte i retten og sa seg delvis skyldig. Han innrømte straffeskyld for narkotika og tjuveri i sommar, men ikkje for bilkjøringa og trugselen med kniv.

Mannen, som tidlegare erdømt fire gongar, blei dømt til 1 år fengsel. 7 månadar av straffa blir utsett på vilkår med prøvetid på to år, 10 dagar varetekt kjem til frådrag på dei fem månadane han må sona. Tiltalte mista også retten til å ta førarkort for alltid, noko som i praksis betyr fem år.