Rusa og aggressiv

I 2-tida natt til laurdag fekk politiet melding om ein utagerande og svært rusa pasient ved Os legevakt.

- Kameratar hadde kjørt han til legevakten, som bad om assistanse frå politiet, fortel politiførstebetjent Audun Hadler-Olsen.

- Han var så vanskeleg av patruljen måtte frakta han til Haukeland sjukehus.

Filma øl-tjuv
Mannen som torsdag blei tatt for å stela øl frå ein butikk i Os sentrum let seg ikkje skremma frå å prøva igjen. Fredag hadde tørsten meldt seg, men også då blei mannen stoppa.

- Han hadde øl i ryggsekken, så desse tok vi beslag i. Mannen beli meldt og butikken har sjølve tjuveriet på video.

Utanlandske seljarar
Fredag i 18-tida fekk politiet melding om pågåande seljarar som banka på dørene til folk på Kuhnle.

- Dei skal ha vore frå Israel, og signalementa passar til nokre seljarar som har vore i Fana for ikkje så lenge sidan. Vi rykte ut og såg etter dei, men fann ingen.

Utlendingar avskilta
Fredag fekk Os lensmannskontor melding frå nabodistriktet i sør om utlendingar på veg til Os og Bergen i bil utan betalt avgift.

- Vi stoppa bilen og tok skilta. Laurdag var dei tilbake med lovlege skilt, så då fekk dei henta bilen sin.

Stoppa ungdomsfest
I 23-tida laurdag kveld fekk politiet melding om bråk frå «heime åleine-fest» i ei gate nær Os sentrum.

- Patruljen rykte ut og oppdaga at det var mange fulle ungdomar på festen, ungar ned i 15-årsalderen. Foreldre blei varsla og dei yngste blei henta heim.

Seinare på kvelden kom melding om slåsskamp frå festen. Politiet rykte ut igjen og sørgja då for at festen blei avslutta.