Rykte ut på melding om militær aktivitet

Tysdag i 14.20-tida fekk Midtsiden tips om politi, ambulanse og militært personell i aktivitet på Halhjem ferjekai.

I dag fortel politioverbetjent Atle Birkeland om årsaka.

– Vi fekk melding om militær aktivitet. Det viste seg å vera Heimevernet på øving.

HV skal ha meldt inn øvinga på førehand, men det visste ikkje meldar, og hindra tydelegvis ikkje patruljen frå å køyra ut for å sjekka.

Utanom dette har politiet éin ting å melda frå i går; avskilting av ein bil som sto parkert i Os sentrum.

Årsaka var manglande forsikring.