Skulle berre kjøra kameraten heim

I 4-tida natt til laurdag 26. juli blei ein mann i 20-åra tatt for promillekjøring på Søre Neset.

Bilførar, som aldri har hatt førarkort, forklarte at han berre skulle kjøra kameraten heim frå fest, ein avstand på rundt ein kilometer.

Han lånte ein bil, men då han kom fram møtte han politiet, som fatta mistanke og fekk denne stadfesta.

Blodprøven viste 1,66 promille.

Håpte på å sleppa fengsel

Sikta møtte denne veka i Nordhordland tingrett og erkjente straffeskyld.

Han håpte på å sleppa fengsel, men ved promille over 1,2 skal straffa vera fengsel utan vilkår.

Sikta blei dømt til 18 dagar fengsel, men fekk 2.500 kroner i rabatt på bota, som i utgangspunktet skulle vore på 10.000 kroner.

Han må også venta to år før han tar førarprøven.