Søndagstrim gav cupsiger

Bildeserie:

1 av 7

Det som på vêrmeldingane tidlegare i veka såg ut til å bli ein solrik, men kald laurdag blei i staden ein våt, glatt og kald start på årets gatecup.

Men i 10-11-tida slutta det å regna, kort tid seinare var banane fri for sluddrestar, og spelet kunne flyta endå betre.

– Vi starta med 12-2-siger, baklengsmåla kom som handikap då vi har to aktive. Likevel enda vi på 3. plass i pulja, fortel Eirik Skåtøy, lagleiar for «Sunday League Football» etter siger på straffekonk i semifinalen.

I finalen i herrar amatør gjekk kameratgjengen, som speler fotball i ein gymsal om søndagane, av med sigeren over fjorårsfinalist «1-2». Også denne blei avgjort på straffekonk, same vis som 1-2 blei slått ut i finalen i 2015.

I bildeserien over ser du alle finalistane. Midtsiden kjem tilbake med video, bildeserie og meir om cupdagen.