Stal ei handlevogn med øl

Tysdag i 16-tida rykte politiet ut på melding om tjuveri frå Coop Xtra på Amfisenteret.

– Nokre menn hadde tatt med seg fleire brett med øl og trilla ut av butikken før det blei oppdaga at dei ikkje hadde betalt, fortel fungerande politioverbetjent Rune Fimreite.

Dei mistenkte var vekke då politiet kom til staden.

Truleg frå Bergen

Det var minst to menn som tok del i tjuveriet. Politiet meiner dei veit kven dei er, og at dei høyrer heime i Bergen.

– Det skal ha vore eit tilsvarande tjuveri i Os i helga, utført av dei same personane.

Dei to skal ha asiatisk utsjånad. Politiet ber om tips.

– Om nokon har sett lasting i bil av storemengder øl, i går eller i helga, så er vi interessert i opplysingar om bilen.

Kontrollerte 65

Litt før klokka 23 tysdag kveld hadde politiet trafikkontroll på Byvegen.

65 bilar blei kontrollert, politiet fann ikkje noko å reagera på.