Klassekameratane til snorklipparane sto klare i god tid før opning. (Foto: Kjetil Vasby Bruarøy)

Strålande opningsfest hos Spar

Spar Nore Neset er butikk nummer 291 i Noreg.

image
image
image
image
image
image
image
image
Av: Kjetil Vasby Bruarøy

Torsdag klokka 10 var det velkomsttale og snorklipping i Kloppamyra. Spar-kjeda har fått sin 79. butikk i regionen, nummer 291 på landsbasis.

• Les òg: Nøye tilpassa trendar og nærområde

Kjøpmann Siv Grindevoll og fleire av dei 16 tilsette hadde saman med leverandørar ein travel innspurt i går. I dag hadde ho heile familien med seg, og sonen Emil og dottera Erle sto for snorklippinga.

– Dei blir jo involvert i dette uansett, og då tenkte eg at det er greit å inkludera dei litt òg. No har det vore ein travel periode der vi har hatt god hjelp av besteforeldre på begge sider, og i dag fekk både Emil og Erle ta med seg skuleklassane (6. og 4. klasse) til opningsfest og litt is.

Huseigar Drageset på opningsfest

Etter at snora var klipt fekk dei første kundane med seg roser på veg inn i butikken. Der var både leverandørar, tilsette frå Spar på AMFI Os og regionssjef på plass.

– Vi har nokre nyopningar den siste tida, men det er nokre år sidan sist vi opna ein heilt ny butikk i eit heilt nytt bygg, seier Inge Birkeland til Midtsiden.

– Storleiken, bygget og butikken har blitt veldig fin! Lokalet er utan ei einaste søyle, og er delikat og innhaldsrik, synest han.

Huseigar er Drageset-familien. Daglegvareveteran Paul Drageset var sjølv på opninga.

– Det er kjekt å framleis ha ein fot i bransjen, sjølv om vi berre er utleigar, seier Paul, som i 2007 selte kjeda si til Norgesgruppen.