Sverre sin siger gjorde Håvard historisk

Årets verdscup på skøyter er over og Sverre Lunde Pedersen, som i går vann 5000-meteren, tok i dag sin sjette individuelle verdscupmedalje då han gjekk inn til 1. plass også på 1500-meteren i Minsk

Sverre gjekk i siste par mot russiske Denis Yuskov, som fekk 2. plass. Løpet starta ikkje så bra for Sverre sin del, men tok det igjen på siste langside og i siste sving.

Lunde Pedersen gjekk i mål på 1.45,47, Yuskov på 1.45,64.

Allan Dahl Johansson tok 3. plass.

Sikra historisk samanlagtsiger til Lorentzen

Sverre sin lagkamerat i Fana il, Håvard Holmefjord Lorentzen, vann «distansecupen» (samanlagt) 500 meter.

Lorentzen kunne bli historisk ved at Yuskov ikkje vann 1500 meter, og då Lunde Pedersen hindra russaren i å klatra øvst på pallen skjedde nettop det:

Håvard Holmefjord Lorentzen er første nordmann til å vinna verdscupen samanlagt (flest poeng, uavhengig av distanse).

Seinare søndag var han med på å vinna lagsprinten saman med Bjørn Magnussen, Henrik Fagerli Rukke og Sindre Henriksen.