Testa hinderløype i Mobergsvikjo

Bildeserie:

1 av 10

Under Oseanamarknaden var det, som annonsert, duka for action på utsida av kulturhuset laurdag.

Med mindre vêret blei dårleg ville nemleg Osbadet KF koma ned til Oseana KF for å tilby leik på Wibit-hinderløypa dei bandande har hatt glede av på Kuventræ denne våren.

Vêret blei verken stygt eller fint, så Osbadet stilte opp, svømte ut med ile og monterte den oppblåsbare hinderløypa frå badestigen ved stupebrettet og parallelt med moloen utover fjorden.

– Dette fungerte jo bra! No har vi prøvd det og då kan vegen bli kort til Mobergsvikjo om vi får oss ein fin sommar, seier Jon Sivert Rykkel.

Rundt ti ungar og ungdomar kom for å prøva, nokre av dei i våtdrakt, andre i berre badebuksa.

Det var kaldt i sjøen og ingen solstråler som varma på land, men dei som først hadde vore uti tok fleire turar over løypa.

Også unge Rykkel utfordra ungdomane, og trass dårleg start i fleire omgangar henta han dei stort sett inn igjen over det siste, høge hinderet.