Tok 14 fartssyndarar på Halhjem

Det er oppretta sak etter at ein mann køyrde utfor Strønevegen onsdag formiddag.

– Det er ikkje tatt beslag i førarkortet, men han er meldt for uaktsam køyring, fortel politioverbetjent Audun Hadler-Olsen.

Politiet i Os stoppa òg ein bil med overlast onsdag.

– Han køyrde med ein bil på hengar, men bilen var for tung i forhold til kva hengaren var registrert for.

UP tok 19 - ein av dei var utan førarkort

Utrykningspolitiet var i Os i går og hadde fartskontroll i 50-sona retning nord på Lepsøyvegen, ved Solbakken.

– Dei skreiv ut fem forenkla forelegg. Høgaste fart var 74 km/t, altså 2 km/t frå førarkortbeslag og fort nok til at forelegget blir på heile 6500 kroner.

Etterpå plasserte dei seg ved rundkøyringa nær Halhjem ferjekai og målte trafikken sørover i 50-sona.

– Her blei ein mann meldt for både høg fart og køyring utan førarkort.

I tillegg blei det skrive ut 13 forenkla forelegg, høgaste fart var 70 km/t, tilsvarande 4200 kroner.