– Tok tid å finna plassering

Bildeserie:

1 av 2

I april skal Statens vegvesen legga fram planprogrammet for Hordfast, ferjefri E39.

Målingar i samband med bru over Bjørnafjorden er godt i gang, i starten på januar blei det lagt ut fem bøyar mellom Reksteren og Øyane for å måla bølgjer, straum og vind, no er også to høge master montert og i drift.

– Det tok litt tid å finna ein plass der desse kunne stå, fortel Mathias Eidem hos vegvesenet.

Det var ikkje alle grunneigarane som var interesserte i å ha denne ståande. Men i midten av februar hadde vegvesenet avtalar på plass og kunne montera mastene.

Måler i tre høgder

Dei to mastene er 45 meter høge. Éi er plassert på Sundøytangen i Søre Øyane, den andre på Skarvhelleholmen nord på Reksteren.

– Kvar mast har tre vindmålarar, kopla til internett, som måler og sender data kontinuerleg, fortel Eidem.

Måleperioden for utstyret som ligg i sjøen skal i første omgang vera på to år, men denne kan bli utvida med yttarlegare tre år.

Det blir truleg parallell måleperiode på land.