Total dominans av Os

Bildeserie:

1 av 16

Etter å ha tatt 4 poeng på 2 kampar, som begge har starta med 0-2 baklengs, tok Os i dag imot Fjøra.

Fjøra slo Aalesund 2 1-0 og tapte 2-1 borte for Spjelkavik i sine to første rundar.

Gjestane blei rundspelt i store delar av kampen, etter fleire sjansar, to cornarar og eitt stolpeskot gjekk Os opp i 1-0 og 2-0 på corner i 14. og 16. minutt.

Det som langt ut i 2. omgang såg ut til å bli ein 8-1-siger enda 5-3.

– At vi misser på ein del sjansar får våga seg, eg gler meg over at vi er fullstendig på frå start, at vi dominerer kampen i alle fasar av spelet og at vi skaper enormt med sjansar.

– Å gje vekk to mål dei siste minutta av kampen betyr ikkje noko for resultatet, men det øydelegger litt av mi oppleving av denne elles fine dagen, seier Hassan El Fakiri.

Os - Fjøra 5-3 (3-0)
Målskårarar, Os: Divaldo Cardoso 1-0 (14.), Rafael Villén 2-0 på brasse (16.), Erik Kanestrøm 3-0 (29.), Erik Kanestrøm 4-1 (63.) og Divaldo Cardoso 5-1 (69.).
Os: Andrew Todd - Torkel Hjertnes, Ole Martin Kolskogen, Knut Spangelo Haga - Marius Mikkelsen, Rafael Villén - Steffen Ljosheim, Erik Kanestrøm - Torgeir Lunde og Øystein Takle Eide.
Byte: Enrique C. Søvik for Lunde i 73. minutt, Thomas Fosen for Mikkelsen i 76. minutt, Anders Havsgår og Adrian Valle for Kanestrøm og Villén i 85. minutt.

I periodar av første omgang var det noko ampert på banen, etter pause roa dette seg noko.

– Dommaren kunne ha rydda opp i dette tidleg, i staden såg det ut som om spelarane ordna det sjølv, seier Fjøra-trenar Håvard Hatle.

Hatle er ikkje nøgd med starten på kampen.

– Når vi slepp inn tre mål på dødball så blir kampen som han blir, seier han til Midtsiden.

Om Os fekk mange cornarar, og denne gong skåra på nokre av dei, var det ikkje her dei var farlegast.

Det var tett mellom innlegga, og med presise Torgeir Lunde som ein av to spissar blei blant anna Takle Eide sendt fleire turar åleine med keeper.

Også Enrique Søvik var nær skåring i sluttminutta, men skotet mot lengste stolpe gjekk stang-ut.

5-2 og 5-3 kom i 87. og 90. minutt.

Det første på straffe etter ein duell med Spangelo Haga ute på sida av 16-meteren, det andre på ei praktskåring av Bakary Traore.

Marius Mikkelsen fekk ballen i ansiktet heile tre gongar, og måtte til lege for sjekk av nasa etter kamp.

Toppar tabellen før derby mot Lysekloster

Os toppar tabellen ei veke før derby mot Lysekloster på bortebane.

Lysekloster speler runde tre borte mot Stord i morgon. NM-runden mot same motstandar enda som kjent med 1-0-siger til Lysekloster.

TABELL OG TERMINLISTE