Tropehagen pakkar saman

Tropehagen Zoo, som i mange år har vore ein populær butikk ved Amfisenteret, held denne veka på med å rydda seg ut av lokalet i 1. etasje.

– Vi flyttar til Stord, seier distrikssjef Charlotte Nilsen.

Ho er sjølv med og ryddar ut av lokalet.

Jobbar med å få inn ny leigetakar

– Vi fekk ikkje butikken til heilt slik vi ville etter at førre drivar gjekk ut av kjeda.

Etter seks år gjekk Monica Sagen Jensen for eit år sidan ut av kjeda. Det var kjeda som sat på leigekontrakten, så Jensen opna ny butikk i Os sentrum mens kjeda no ha drive vidare det siste året.

– Vi har hatt mange fine år med dyrebutikk i senteret. Kva som kjem inn i lokalet som no blir ledig er førebels uvisst, men det blir allereie jobba med nye potensielle leigetakarar, seier senterleiar Silje Lygre.