Ungdomar på høgt nivå

For niande gang inviterte elevane ved Kongshaug musikkgymnas næringsliv og tilsette i kommunen til førjulsmorgonkonsert i Os kyrkja. Allereie klokka 0730 sto dei morgonfriske elevane klare for å spre varm og god julestemning.

For ein omlag trekvart full kyrkje leverte dei ein konsert på svært høgt nivå med alt frå Alf Prøysen sin «Romjulsdrøm» til «Halleluja» frå Messias av Händel.

Som i fjor var dette starten på ein maratondag for elevane før dei tek velfortjent juleferie.

- Seinare i dag blir det konsert for Os ungdomsskule, Os gymnas og Os vidaregåande skule, orienterte rektor Oddvar Rotvik.

Etter konserten inviterte elevane til julefrukost i kyrkjetunet.

Sjå klipp frå konserten i videoen nedanfor (7.03, foto: Andris Hamre) eller på NRK Vestlandsrevyen.