Var suverene i finalen
Arne, Erling og dei andre i den norske dobbeltfiraren var uslåelege i C-finalen i U23-VM.
Etter eit tøft forsøksheat på 6.12.900 og eit oppsamlingsheat på 6.01.650, senka den norske båten med Adrian Lindgren (Tønsberg Roklubb), Arne Hadler-Olsen (Os Roklubb), Jørgen Mjøs Nilsson (Tønsberg Roklubb) og Erling Øyasæter (Os Roklubb) tida si til under seks minutt då dei var suverene i C-finalen torsdag formiddag.
I finalen rodde dei dei 2000 metrane på 5.59.640 og knuste dei tre andre båtane. Lativa var nærast på 6.06.810, framfor Kazakstan 6.09.110 og USA 6.23.200.
– Eg har ikkje snakka med gutane enno, men frå tribunen såg det ut til å vera eit godt løp, fortel Arne sin far, og tidlegare trenar, Audun Hadler-Olsen.
Forholda på rostadioen i Amsterdam var i dag gode både for utøvarar og publikum med sol, 30 grader og lite vind.
Sjå innspurten til den norske båten på Os roklubb si facebookside.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.