Vårstemning i Bjørnafjorden 2018

Vårstemning med kval og fugl

Tjelden er komen og spekkhoggarane har vore innom Bjørnafjorden.

Av: Kjetil Vasby Bruarøy

Etter ein solrik, men kald påske kom våren.

3. april hadde vi snø, 10. april kom sola gjennom skodda og søndag 15. april var det tett oppunder 20 gradar og skyfri himmel.

• Les òg: I fjor snudde det på 13 dagar

Filma kval utanfor Hatvik

Søndag og tysdag 8. og 10. april fekk vi tips om spekkhoggarar i Samnangerfjorden. Midtsiden har vore fleire rundar og sett etter dei, det same har naturfotografane Oddmund Lunde og Liv-Randi Lind. 

Onsdag 11. april viste dei seg ved Sandholmane, på veg inn fjorden igjen. 

Sjå video øvst i artikkelen.

• Sjå òg: Filma spekkhoggarar ved Kobbavågen (2017)

Regn og 7 gradar

Vêret har variert meir denne veka, og veka som kjem blir både våtare og kaldare.

Både Yr og Storm melder 6-7 gradar og regn kvar dag frå søndag ettermiddag til og med fredag.

Laurdag er det vårslepp i Os sentrum, og då ser det ut til å bli sol igjen.

Sjå detaljer vêrvarsel for Osøyro på Pent.no