Vil laga forkjørsveg av Industrivegen

Bildeserie:

1 av 1

I samband med bygginga av ny E39 mellom Svegatjørn og Rådal blir fylkesveg 160, Ulvenvegen, stengd frå krysset ved Industrivegen til avkøyringa ved Ulven Næringspark.

Omkøyringa vil bli via den kommunale Industrivegen gjennom Kolskogen, ein veg som frå før har høg trafikk.

– Industrivegen/Kolskogheiane har allereie ein ÅDT på over 4000 og dette vil truleg auka monaleg etter at Ulvenvegen vert stengd.

– Vegsystemet har også stor gang- og sykkeltrafikk på grunn av fleire skular og barnehagar i området, skriv sakshandsamar Terje Myking i Os kommune i eit brev til Statens vegvesen.

Ønskjer primært forkjørsveg

Kommunen er allereie i dialog med prosjektorganisasjonen frå Statens vegvesen som skal stå for bygginga av ny E-39 om korleis å auka trafikktryggleiken og kapasiteten på omkøyringsvegen.

– Det er difor ønskeleg primært å få etablert forkjørsveg, skriv Myking i brevet.

Alternativt ønskjer kommunen forkjørsregulering av fem vegkryss på strekninga (mot Os vgs, mot barnehagane/Kuventræ, mot Bir, mot ARKA/Monter og mot Øvre Varåsen, journ.mrk).