Vil spørja folket
Politikarane sit med fleire spørsmål enn svar rundt kommunereforma. No vil dei utgreia og spørja osingane.
Bildeserie:
Tysdag orienterte fylkesmann Lars Sponheim om kommunereforma og prosessen fram mot handsaming av ny kommunestruktur i Stortinget våren 2017.
– Dette gav meg masse ny kunnskap, men det løfter òg fram ein del problemstillingar.
– Om vi skal sjå mot Fusa eller Tysnes så får vi ei arealutfordring i høve den kompakte kommunen vi er i dag.
– Det blir ei utfordring med kostnader, påpeika Espen Aspenes (Frp).
Vil høyra innbyggarane
Aspenes refererte til ei uformell undersøking Tysnesingen blant lesarane sine, kor 72% såg i retning av Os.
– Kanskje skulle vi òg ha fått nokre signal frå innbyggarane, foreslo Aspenes som fekk støtte frå fleire av politikarane i ønskjet.
Assisterande rådmann Paul Manger, kunne fortelja at administrasjonen allereie var i dialog med Sentio for å gjennomføra ei representativ undersøking.
Usikker på prosessen
Lars Atle Skorpen (Ap) sat, som Aspenes, igjen med fleire spørsmål etter fylkesmannen si orientering.
– Eg undrar på om dette er måten å gjera det på og om den tidsaksen fylkesmannen presenterer er den beste måten å gjera det på.
– Eg er ikkje sikker på det.
– Det hadde vore interessant å få ein uavhengig internasjonal aktør til å vurdera kor smart dette er.
– Eg er skeptisk til prossessen og avventande til at det skal bli lett å finna opplagte svar. Kanskje må det vera sånn. Kanskje er det slik når store spørsmål stillast at ein får ei oppleving av å ikkje veta nok.
– Eg håpar fylkesmannen er i nærleiken når spørsmåla dukker opp, sa Skorpen som støtta Aspenes i innspelet om å høyra folket.
– Må analysera oss sjølv
Marie Bruarøy (H) viste til arbeidet Austevoll allereie hadde starta med å analysere sine eigne sterke og svake sider.
– Det må vi òg gjera.
– I den samanhengen tenkjer eg at fylkesmannen må guida oss på kva vi skal ha fram i analysane, slik at vi diskuterer epler og epler og ikkje epler og pærer.
– Vi i arbeidsgruppa må raskast mogleg komma i gang med den analysen, påpeika Bruarøy.
Igjen kunne Manger fortelja at administrasjonen var på ballen.
– Eg ser for meg at vi på ekstramøte i januar presenterer utgreiingar og analyser kor vi ser på styrker, svakheter, moglegheiter og risikoar for ulike alternativ.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.