Allianselag på veg til Hamar

I midten av september tok Os G15 bronse i HamKam Talentcup.

Denne helga er det G13-talenta sin tur.

– Vi reiser bortover med 17 flinke spelarar, seier Ørjan Myrlid.

Han trener laget saman med Tim Henrik Sperrevik og Chris Drange.

Innleiande rundar laurdag

Os Allianse består av éin spelar frå Nore Neset, éin frå Bjarg, to frå Lysekloster og 13 frå Os Fotball.

Alle dei innleiande kampane går laurdag og Os Allianse møter Sørumsand, Jardar og KFUM i puljespelet.

– Dei kom heilt til kvartfinalen i Adidas Cup tidlegare i år, no blir det spennande å sjå dei i ny, tøff turnering.

Turneringa består av 16 puljer, kvar med fire lag, alle med gutar fødd i 2002. Sluttspelet er delt i både A, B, C og D-sluttspel.

Desse gutane speler på Os Allianse i helga: Elias Myrlid, Henrik Sperrevik, Scott Drange, Ismal Munoz Urena, Oscar Fimreite, Vegard Heggland, Stein-Inge Andersland, Ole Risøen, Leonard Pfeffer, Kerem Duvarci, Pål Rye Asheim, Mats Smith, Mats Torp Nielsen, Sivert Andersland, Julian Sælen, Thomas Færøvik og Henrik Johannessen.