Båt funnen på Kuskjeret

Saknar du båten din? Søndag blei ein svart båt utan motor funnen på Kuskjeret, eit friluftsområde nær Ervikane.

Sjå kart på bof.no

– Båten er i Pioner-liknande materiale og ser ut til å vera rundt 15-16 fot, fortel innsendar av tips og bilde.

Han fann båten i går, søndag.

Det er grønt tau på hekken som har vore akterfortøying, men ingen tau i baugen.

Søndag formiddag blei det meldt om tjuveri av påhengsmotor frå båt i Forstrønesundet, ikkje så langt frå der båten var funnen. Det er uvisst om båten som er funnen har vore meldt stolen, eller om den kan ha slite seg i den sterke vinden søndag.